የዲያቆን አሸናፊ መኰንን ገጽ

የዲያቆን አሸናፊ መኰንን ገጽ 

ሳልሄድ

“ወደማልመለስበት ሳልሄድ ዐረፍ ዘንድ ተወኝ” መዝ. 38፡13 ።

ስወለድ ለራሴ አልቅሼአለሁ ፣ ስሞት ደግሞ ሰዎች ለእኔ ያለቅሳሉ ። በልቅሶ የጀመርኩትን ዓለም በልቅሶ እጨርሳለሁ ። ስወለድ በደመ ነፍስ ፣ ዓለም ክፉ መሆኑን አውቄ ለራሴ አለቀስኩ ፣ ስሞት ዓለም የቀረብኝ መስሎአቸው ሰዎች ባለማወቅ ያለቅሳሉ ። የሕፃንነቴ እውቀት ፣ የአዋቂዎችን ማስተዋል በለጠ ። እንባ ማጠራቀሚያ ቢኖረው እስከ ዛሬ የፈሰሰው የዘረ አዳም ልቅሶ ውቅያኖስ በሆነ ነበር ። ጌታ ሆይ ! ያልከፋውና ያላዘነ ማነው ? ካንተ በቀርስ እንባን የሚያብስ ፣ የራቀውን ደስታ የሚያቀርብ ማነው ? አሳባችን አሳባችን ላይ ያስለቅሰናል ። “እንዴት እኔ ይህን አስባለሁ?” የሚለው ሙግት ያናውጠናል ። የማይታየውን ልባችንን እያየህ ሳትገልጠን ታልፈናለህ ። ልባችን ላይ የሌለውን ደግነት በአፋችን ስናንጸባርቅ ትገረማለህ ። ልባችን ላይ ክፋት ሳይኖር በአፋችን ስናበላሸው ታዝንልናለህ ። ደግ እንዳንባል ክፉ ፣ ክፉ እንዳንባል ደግ ሁነን ሚና የለሽነታችን ያሳዝንሃል ።

እውቀት የሌለበት ጉዞአችን ክለሳ እያበዛ ዕድሜአችንን በላብን ። የክፋት ሥራችን መልሶ እኛን እየጎዳን እግራችንን በእሾህ አደማብን ። ብንራመድም የምናነክስ ፣ ብንጎርስም የማንጠግብ ነን ። የተለወጠ ጉዳይ እንጂ ጉዳይ ያልቀረልን ተወዛዋዥ ሬሳ ነን ። ስንቱን ቀረብን ፣ ስንቱን ራቅነው ። ለማይሞላ ኑሮ ስንቱን ሆንነው ። ተመልሰን ወደዚህ ምድር አንመጣም ። ያበላሸነውን ለማረም ፣ የምንወዳቸውን ለማግኘት አንመለስም ። መንገዱ አንድ ነው ። መሄጃ እንጂ መመለሻ የለውም ።
ሞትም የሰው ልጅ ዕጣ ሁኗል ። ያልሞቱት ሄኖክ ኤልያስም ሊሞቱ ይመጣሉ ። አንተ መድኃኔ ዓለምም ሥጋ ለብሰህ ሞተሃል ። እኮ ማን ይቀራል? እባክህን ወደማንመለስበት ሳንሄድ ፣ የሞት ጉዞን ሳንጀምር እናርፍ ዘንድ ተወን ። በማኅፀን እያለን የምንሰማው የጥይት ድምፅ ሸብተንም እንሰማዋለን ። ሰንሰለታማው ችግር ፣ በራስ ወገን ሲገረፉ መኖር ደክሞናል ፤ እባክህ ወደማንመለስበት ሳንሄድ እናርፍ ዘንድ ፍቀድልን ። የዓመት ፈቃድ ሳይሆን የዕድሜ ፈቃድ ስጠንና አሳራፊው ሆይ እባክህ አሳርፈን ! አሜን ጽናትህን ደጅ እንጠናለን !

ዲያቆን አሸናፊ መኰንን
መጋቢት 16 ቀን 2015 ዓ.ም.

አስተያየት ይስጡ

Leave a Reply

Your email address will not be published. Required fields are marked *

ያግኙን

ዲያቆን አሸናፊ መኰንን
ስልክ ፡ +251930006086                             +251911699907

ኢሜል፡ ashumekon@gmail.com

የገጹ ዓላማ

የዚህ ገጽ ዓላማ ኦርቶዶክሳዊ ትምህርቶችን ማስተላለፍ፣ ትውልድን በእግዚአብሔር ቃል ማነጽና የተሻለ ዘመንን መናፈቅ ነው።

አሸናፊ መኮንን
Ashenafi Mekonnen
የኢትዮጵያ ንግድ ባንክ
Commercial Bank of Ethiopia
1000165078482

አቢሲኒያ ባንክ
Bank of Abyssinia
23202573

ሕብረት ባንክ
Hibret Bank
1030416569497017

ወጋገን ባንክ
Wegagen Bank
0870286030101

አዋሽ ባንክ
Awash Bank
01320034656200

በማህበራዊ ሚዲያ ይወዳጁን።

copyright @ 2021 ዲያቆን አሸናፊ መኰንን

የዚህ ገጽ ዓላማ ኦርቶዶክሳዊ ትምህርቶችን ማስተላለፍ፣ ትውልድን 
በእግዚአብሔር ቃል ማነጽና የተሻለ ዘመንን መናፈቅ ነው።