የዲያቆን አሸናፊ መኰንን ገጽ

የዲያቆን አሸናፊ መኰንን ገጽ 

ቅድስት ሆይ !

በረከሰችው ከተማ በናዝሬት አንቺ ግን በቅድስና ትኖሪ ነበር ። በተቀደሰችው በገነት ሔዋን በደለች ። አብርሃም በከነዓን ፣ ሎጥ በሰዶም ፣ ሙሴ በግብፅ ፣ ዳንኤል በባቢሎን በቅድስና ይኖሩ ነበር ። ጥሩ ቦታ ብቻውን ጥሩ አያደርግም ። ጥሩ ልብም ከጥሩ ቦታ ጋር አስፈላጊ ነው ። በቤተ ክርስቲያን በዓለማዊነት ፣ በወንጌል መንደር በጨካኝነት የምንኖር ነን ። አንቺ ግን በጨለማው ዓለም ውስጥ እግዚአብሔርን ታከብሪ ነበር ። ብዙ መርዶ በተሰማበት ፣ ቅኝ ገዥ ፣ ኃጢአት ፣ ሰይጣን ባጎሳቆሉት ዓለም የምሥራቹን ለዓለሙ ሁሉ ጆሮ ሆነሽ ሰማሽ ። ክርስቶስን በማኅፀንሽ ስትፀንሺ ከምድር ወገን ማንም አያውቅም ነበር ። ስትወልጂው ግን ዓለሙ ሁሉ አወቀ ። የሮማው የሕዝብ መዝገብ ፣ የሩቅ ምሥራቅ ነገሥታት አወቁ ። ። ራእይም በእኛ ነፍስ ሲፀነስ ሰዎች አያውቁም ። አስቸጋሪው ሰዓት አልፎ የብቸኝነት ዘመን ወደ ኋላ ወድቆ ደስታው ሲወለድ ብዙዎች ይመጣሉ ።

ቅድስት ሆይ !

ራእይን ፀንሰው በብቸኝነት ለሚኖሩ አንቺ መጽናኛ ነሽ ። ፅንሱ ከማን ነው ብለው እንዳይቃወሙሽ ዮሴፍን መጋረጃ አደረገልሽ ። አንቺም ሞትን ሳትፈሪ በእምነት ኖርሽ ። እኛም የሚገልጥ ሳይሆን የሚሸፍን ዮሴፍን እንሻለን ። ቅድስት ሆይ ! ወልድን የመጽነስ ዜና እንደ ሰማሽ ኃይልን ተሞልተሸ ወደ ተራራማው አገር ወደ ይሁዳ ገሰገስሽ ። እንደ ሥጋ ልማድ አልጸነሽምና መንፈስ ቅዱስ አቅም ሆነሽ ።

ቅድስት ሆይ !

አንቺና ኤልሳቤጥ ሳትነጋገሩ እርስዋ በእርጅናዋ ፣ አንቺ በድንግልና ፀነሳችሁ ። ላንቺ የገለጠ መልአኩ ፣ ለኤልሳቤጥ የገለጠም መንፈስ ቅዱስ ነው ። ኃጥአን ተነጋግረው አይግባቡም ። ጻድቃን ግን ሳይነጋገሩ ይግባባሉ ። በቅዱሳን መካከል የአሳብ ድንበር የለምና አንዱ ያንዱን ልብ ያውቃል ። የክርስቶስ ልብ ያላቸው አንድ አሳብ ያስባሉ ። ቅድስት ሆይ ይህን ተመኝተናል ። በረከትሽ ይድረሰን !

ዲያቆን አሸናፊ መኰንን
ጥር 7 ቀን 2014 ዓ.ም.

ያጋሩ

ያግኙን

ዲያቆን አሸናፊ መኰንን
ስልክ ፡ +251930006086                             +251911699907

ኢሜል፡ ashumekon@gmail.com

የገጹ ዓላማ

የዚህ ገጽ ዓላማ ኦርቶዶክሳዊ ትምህርቶችን ማስተላለፍ፣ ትውልድን በእግዚአብሔር ቃል ማነጽና የተሻለ ዘመንን መናፈቅ ነው።

አሸናፊ መኮንን
Ashenafi Mekonnen
የኢትዮጵያ ንግድ ባንክ
Commercial Bank of Ethiopia
1000165078482

አቢሲኒያ ባንክ
Bank of Abyssinia
23202573

ሕብረት ባንክ
Hibret Bank
1030416569497017

ወጋገን ባንክ
Wegagen Bank
0870286030101

አዋሽ ባንክ
Awash Bank
01320034656200

በማህበራዊ ሚዲያ ይወዳጁን።

copyright @ 2021 ዲያቆን አሸናፊ መኰንን

የዚህ ገጽ ዓላማ ኦርቶዶክሳዊ ትምህርቶችን ማስተላለፍ፣ ትውልድን 
በእግዚአብሔር ቃል ማነጽና የተሻለ ዘመንን መናፈቅ ነው።