የዲያቆን አሸናፊ መኰንን ገጽ

የዲያቆን አሸናፊ መኰንን ገጽ 

በቃልህ ይባረኩ

“አቤቱ ቃልህ በሰማይ ለዘላለም ይኖራል” መዝ. 118፡89 ።

ቃል ያለህ እግዚአብሔር ሆይ ፣ ወዳጅነትህ ብርቱ ነው ። ወዳጅ ለወዳጁ ቃል አለው ። ቃል የልብ መልእክተኛ ነው ። ልብህን ያየንበት ቃልህ ቡሩክ ነው ። ራሳችንን ያገኘንበት ቃልህ ድንቅ ነው ። ለቃላችን ቃል ስትሆነው አፈ ማር እንባላለን ። ቃላችንን ቃልህ ሲቃኘው ከአንደበት ዳኅፅ እንተርፋለን ። አቤቱ ቃልህ በምድር ላይ ክብር ባያገኝ ቃልህ በሰማይ ለዘላለም ይኖራል ። ቃልህን መስማት የሚናፍቁ ቅዱሳን መላእክት በርግጥ አሉ ። ቃላችን በሚያዝበት ምድር ላይ ሁከት በዝቷል ፣ ቃልህ በጸናበት ሰማይ ግን ሰላም ጸንቷል ። በምድር ላይ ለሁልጊዜው አንቆይም ፣ በሰማይ ግን በዘላለማዊ ቃልህ እየጸናን ለዘላለም እንኖራለን ።

የካብነውን ስንንድ ፣ የሾምነውን ስናወርድ ፣ ቋሚ ወዳጅ ቋሚ ጠላት የለም ስንል ቃላችን በምድር ላይ ለዕለት አይቆይም ። ፖለቲካን ስንኖረው ፣ ኑሮን ፖለቲካ ስናደርገው በገዛ ቃላችን ደክመናል ። ቃልህ አገር አለው ። ቃልህ የቅዱሳን ምግብ ነው ። ቃልህ ነዋሪና የሚያኖር ነው ። ቃልህ የጊዜ ድንበርን የሚሻገር ነው ። በክንፍህ መዘርጋት ከጥፋት ቀን የጋረድከን አማኑኤል ሆይ ፣ ቃልህ ይድረሰን ! ሰማይን ያለ ባላ ፣ ምድርን ያለ ካስማ ያቆመ ቃልህ ያጽናን ! ሰማይን ከነግሡ ምድርን ከነልብሱ የፈጠረ ቃልህ እንደገና ይሥራን ። የልጅ ልጆቻችን በቃልህ ይባረኩ ። አሜን !

ዲያቆን አሸናፊ መኰንን
መጋቢት 15 ቀን 2015 ዓ.ም.

አስተያየት ይስጡ

Leave a Reply

Your email address will not be published. Required fields are marked *

ያግኙን

ዲያቆን አሸናፊ መኰንን
ስልክ ፡ +251930006086                             +251911699907

ኢሜል፡ ashumekon@gmail.com

የገጹ ዓላማ

የዚህ ገጽ ዓላማ ኦርቶዶክሳዊ ትምህርቶችን ማስተላለፍ፣ ትውልድን በእግዚአብሔር ቃል ማነጽና የተሻለ ዘመንን መናፈቅ ነው።

አሸናፊ መኮንን
Ashenafi Mekonnen
የኢትዮጵያ ንግድ ባንክ
Commercial Bank of Ethiopia
1000165078482

አቢሲኒያ ባንክ
Bank of Abyssinia
23202573

ሕብረት ባንክ
Hibret Bank
1030416569497017

ወጋገን ባንክ
Wegagen Bank
0870286030101

አዋሽ ባንክ
Awash Bank
01320034656200

በማህበራዊ ሚዲያ ይወዳጁን።

copyright @ 2021 ዲያቆን አሸናፊ መኰንን

የዚህ ገጽ ዓላማ ኦርቶዶክሳዊ ትምህርቶችን ማስተላለፍ፣ ትውልድን 
በእግዚአብሔር ቃል ማነጽና የተሻለ ዘመንን መናፈቅ ነው።