የዲያቆን አሸናፊ መኰንን ገጽ

የዲያቆን አሸናፊ መኰንን ገጽ 

ባንተ በመደነቅ

ጥበብህ ከሰማይ ከዋክብት ይበዛል ፣ እውቀትህ ከጸዳል ይደምቃል ። የእኔ መድኃኔዓለም ሥራህ በእውነት ይደንቃል ! አንተ ኃያል ሆይ የልቤን ልንገርህ ። አብረውኝ ገበታ የቆረሱ ሥጋና ደምህን አብረውኝ ካልተካፈሉ ፣ ጎረቤቶቼን ከመንግሥትህ ካጣኋቸው ፣ ዘመዶቼ በአርያም ባዳ ከሆኑኝ ፣ ለጊዜው አብረውኝ የነበሩ ለዘላለም ከተለዩኝ ፣ ልጆቼን ከብርሃን አዳራሽ ካጠገቤ ሳጣቸው ጌታ ሆይ ምንኛ ከባድ ነው ! እባክህ እኔ ለወንጌልህ እተጋለሁ ፣ አንተ በጸጋህ አግዛቸው ።

ሲታሰሩ አዝኜ የጠየቅኋቸው ወገኖቼ በሱስ ቀንበር ሲያዙ ጨክኜ ፈረድሁባቸው ። ሲታመሙ ብርቱካን ይዤ የጠየቅኋቸው በኃጢአት ጦር ራሳቸውን ሲወጉ ስማቸውን አጠፋሁባቸው ። አቤቱ ጌታዬ ለሥጋ ሕመምተኞች እንዳዘንሁ ለነፍስ ታማሚዎች እንድራራ እርዳኝ ። በእኔ መራራነት ያንተን ጣዕም ስለሸፈንሁ ፣ በእኔ ትዕግሥት ማጣት ሰዎች እንዳይሰሙ ስላደረግሁ ይቅር በለኝ ። በአንተ ስም እኔነቴን ስለ ሰበክሁ ፣ “ክብሩ ለእግዚአብሔር ይሁንና” እያልሁ የእኔን ጀብዱ ስላወራሁ ይቅር በለኝ ። የተፈጥሮ ችሎታዬን ፣ የአማኝነት መክሊቴን ፣ የጉብዝና ጉልበቴን ለዓለም እንጂ ላንተ ስላልሰጠሁ ይቅር በለኝ ። ክህደት ዛሬ የጀመረ መስሎኝ ብደነቅም ሙሉ አገር የካደበትን የኤልያስን ዘመን አስታውሰኝ ። እውቅ ሰዎች ጆሮንና ዓይንን መያዛቸው ሲገርመኝ እነ ኤልዛቤልን አስታውሰኝ ። የቀጠለ እንጂ የጀመረ ግፍና ኃጢአት የለምና በአንተ በመደነቅ ቀኔን ባርክልኝ ። አሜን ።

ዲያቆን አሸናፊ መኰንን
ታኅሣሥ 7 ቀን 2014 ዓ.ም.

ያጋሩ

ያግኙን

ዲያቆን አሸናፊ መኰንን
ስልክ ፡ +251930006086                             +251911699907

ኢሜል፡ ashumekon@gmail.com

የገጹ ዓላማ

የዚህ ገጽ ዓላማ ኦርቶዶክሳዊ ትምህርቶችን ማስተላለፍ፣ ትውልድን በእግዚአብሔር ቃል ማነጽና የተሻለ ዘመንን መናፈቅ ነው።

አሸናፊ መኮንን
Ashenafi Mekonnen
የኢትዮጵያ ንግድ ባንክ
Commercial Bank of Ethiopia
1000165078482

አቢሲኒያ ባንክ
Bank of Abyssinia
23202573

ሕብረት ባንክ
Hibret Bank
1030416569497017

ወጋገን ባንክ
Wegagen Bank
0870286030101

አዋሽ ባንክ
Awash Bank
01320034656200

በማህበራዊ ሚዲያ ይወዳጁን።

copyright @ 2021 ዲያቆን አሸናፊ መኰንን

የዚህ ገጽ ዓላማ ኦርቶዶክሳዊ ትምህርቶችን ማስተላለፍ፣ ትውልድን 
በእግዚአብሔር ቃል ማነጽና የተሻለ ዘመንን መናፈቅ ነው።