የዲያቆን አሸናፊ መኰንን ገጽ

የዲያቆን አሸናፊ መኰንን ገጽ 

ነፍሴን አነሣለሁ

“አቤቱ ፥ ወደ አንተ ነፍሴን አነሣለሁ ።” መዝ. 24 ፡ 1 ።

የፍጥረት ሩጫ ሲገታ ፣ ተራራ ስምጥ ሲሆን ፣ የገዘፈው ሲረቅቅ ፣ የጀመረው መፈጸም ሲሳነው ፣ የታየው ሲታጣ ፣ አለሁ ያለው ከጎን ሲጠፋ ፣ ያቀፈው ክንድ ሲነቀል ፣ ያወደሰው አፍ ዲዳ ሲሆን ፣ ያሳመነው ሲያስክድ ፣ ያገለገለው ክፉ ጌታ ሲሆን ፣ የሞላለት ሲጎድልበት ፣ የቸረው ልመና ሲወጣ ፣ ያፈቀረው ሲያፍር ፣ የወደደው በወደደው ሲቀጣ ፣ ሙሉው ሲጎድል ፣ ቅዱሱ ሲረክስ ፣ ያስተማረው ሲታዘብ ፣ የተማረው ሲጨክን ፣ “ሕይወት በምድር ላይ ብርቱ ጦርነት ናት” ተብሎ ሲነገር ፤ እኔ ግን ነፍሴን ወደ አንተ አነሣለሁ ። ወደ ቡድን ነፍሴን ባነሣ ቡድንም ይበተናል ። ወደ ታተመው መዝገብ ነፍሴን ባነሣ የታተመም ይከፈታል ። ወደ ተደረገው ነፍሴን ባነሣ የሚያዩት ሁሉ ያቆስላል ። ወደ ፍቅር ነፍሴን ባነሣ ፣ የሰው ፍቅር ሻሽ አያደርቅም ። ወደ መልእክቶች ነፍሴን ባነሣ ከሰላም ይልቅ ጦርነትን ያውጃሉ ። ወደ ሞላለት ነፍሴን ባነሣ ጎድሎበት አገኘዋለሁ ። ወደ አስቂኝ ነፍሴን ባነሣ ፣ ሲያለቅስ አገኘዋለሁ ። ወደ አገራት ነፍሴን ባነሣ ፣ ሲናጡ አያቸዋለሁ ። ወደ ተፈጥሮ ነፍሴን ባነሣ ፣ አቅሙ ሲሰበር አስተውላለሁ ። ወደ ቅርቦቼ ነፍሴን ባነሣ ፣ የገዛ ልቤም ሲከዳኝ አገኘዋለሁ ። አቤቱ ፣ ነፍሴን ወደ አንተ አነሣለሁ ።

ብትምረኝም ብትገድለኝም ፣ ብታነሣኝም ብትጥለኝም ወደ አንተ ነፍሴን አነሣለሁ ። ከዓለም ሽልማት ያንተ ቅጣት ይሻለኛል ። ምድር ከምታለብሰኝ አንተ ብትገፈኝ ይበልጥብኛል ። አቤቱ መልካሙ ኢየሱስ ክርስቶስ ሆይ! በስቃይ ላሉት ዕረፍት ስጥ ። ከብረው ለተዋረዱት ምሕረት አድርግ ። ቀልባቸው ለከዳቸው መረጋጋትን አድል ። ውስጣቸው ለሚናወጥባቸው ሰላምህን ስበክ ። ከወንጌል ለራቁት በፍቅርህ ድረስላቸው ። ጌታ ሆይ ነፍሴን ወደ አንተ አነሣለሁ ። አንተን ብቻ ተስፋ አደርጋለሁ ። የዘላለም ዕዳህ እኔ አለሁብህና ምን አለብህ ? አትባልም ። ጉዳይህ ስሆን አልጠላኸኝም ። ስበድልህ አልካድከኝም ። ሥጋዊ እግሬን ብዙ ዘመን አንሥቼአለሁ ፣ የእግር ደምበኛህ እንደሆንሁ አውቃለሁ ፤ ዛሬ ነፍሴን ወደ አንተ አነሣለሁ ። ከሞት በሚቀሰቅሰው ድምፅህ ለዘላለሙ አሜን !

ዲያቆን አሸናፊ መኰንን
መጋቢት 19 ቀን 2015 ዓ.ም.

አስተያየት ይስጡ

Leave a Reply

Your email address will not be published. Required fields are marked *

ያግኙን

ዲያቆን አሸናፊ መኰንን
ስልክ ፡ +251930006086                             +251911699907

ኢሜል፡ ashumekon@gmail.com

የገጹ ዓላማ

የዚህ ገጽ ዓላማ ኦርቶዶክሳዊ ትምህርቶችን ማስተላለፍ፣ ትውልድን በእግዚአብሔር ቃል ማነጽና የተሻለ ዘመንን መናፈቅ ነው።

አሸናፊ መኮንን
Ashenafi Mekonnen
የኢትዮጵያ ንግድ ባንክ
Commercial Bank of Ethiopia
1000165078482

አቢሲኒያ ባንክ
Bank of Abyssinia
23202573

ሕብረት ባንክ
Hibret Bank
1030416569497017

ወጋገን ባንክ
Wegagen Bank
0870286030101

አዋሽ ባንክ
Awash Bank
01320034656200

በማህበራዊ ሚዲያ ይወዳጁን።

copyright @ 2021 ዲያቆን አሸናፊ መኰንን

የዚህ ገጽ ዓላማ ኦርቶዶክሳዊ ትምህርቶችን ማስተላለፍ፣ ትውልድን 
በእግዚአብሔር ቃል ማነጽና የተሻለ ዘመንን መናፈቅ ነው።