ጌታችን ኢየሱስ ክርስቶስ በአብሮ አደጎቹና ዘመዶቹ ተራ ሕልም ያለው ተደርጎ ይታያል ። ፖለቲከኞች ለወንበራቸው የሚያሰጋ የዙፋን አደጋ አድርገው ቆጥረውታል ። የሃይማኖት አባቶችም በትክክል አገልግለው የሚያገኙትን እንጀራ በግብዝነት ተውኔት ከሕዝቡ ለማግኘት ፈልገዋል ፣ በዚህም ኢየሱስን የጥቅማቸው ተጋፊ ብለው በመፈረጅ ከቅናታቸው ጥልቀት የተነሣ ለሞት ከጅለውታል ። ደቀ መዛሙርቱም የተጨቆነ ኑሮ መኖር ሰልችቷቸው ነበርና የዳዊትን መንግሥት አስመላሽ አድርገው ገምተውታል ። ባለጠጎችም የሀብት ተቀናቃኝና የምቾት እንቅፋት ብለው ሰይመውታል ። ማኅበረሰቡም ሰው የማይመርጥ ዘማዊና ቀራጭ ወዳድ አድርጎ ሥሎታል ። ኢየሱስ ጌታችን ለብዙዎች ጥያቄ ላመኑበት ግን መልስ ነው ።