የዲያቆን አሸናፊ መኰንን ገጽ

የዲያቆን አሸናፊ መኰንን ገጽ 

ጌታ ሆይ ለምን እንዲህ ሆነ !?

ስብከት ያንተን መልክ ማሳያ መሆኑ ቀርቶ የሰው ጆሮ ማጫወቻ ሆነ ፤ ርካሹ ከብሮ ፣ ትልቁ ተዋረደ ፤ የምናየው አርአያ ፣ የምናፍረው ሽማግሌ ጠፋ ፤ ጌታ ሆይ ለምን እንዲህ ሆነ !? አገልጋዮች ብቻቸውን እየጮኹ ፣ ክርስቲያን ነኝ የሚል ወገን ዘፈን ሊሰማ ሄደ ። ካህናት የምድራውያን ካድሬ ፣ የኃያላን ቃል አቀባይ ሆኑ ፤ ቃለ እግዚአብሔር እንደ አባባል ተወሰደ ፣ መቅደስ በክፋት ረከሰ ፣ እውነት ተወግዞ ከእውነት አደባባይ ተባረረ ፣ ሐሰት ካባ ለብሶ ተንጎማለለ ። ጌታ ሆይ ለምን እንዲህ ሆነ !?

አምልኮት አክብሮትን ፣ መሥዋዕት ትኩስነትን አጣ ፤ በመንደር እሳት በዘመን ቄንጥ ስግደት ላንተ ቀረበ ፤ ሥራችንን ለማጻፍ የሰውን ሥራ አፈረስን ፤ የሁሉም ነገር ጀማሪ እኔ ነኝ ባይ በዛ ። ትላንት የሌላት ፣ ነገ የማይኖራት ዛሬ ተፈጠረች ። ጌታ ሆይ ለምን እንዲህ ሆነ !? ዘመኑን ተሻገሩ ያልናቸው ተመልሰው በደሉ ፤ በፍቅር ገመዳቸው የሳቡን በስለት ቆረጡን ። ሊቅ ጠፍቶ ጥያቄ መጠየቅ ስህተት ሆነ ፤ አፍ ተከፍቶ ጆሮ ተደፈነ ፤ ተመልከቱኝ እንጂ ልመልከታችሁ የሚል ጠፋ ። ጌታ ሆይ ለምን እንዲህ ሆነ !?

አባቶቻችን ጥቂት ዘርተው ብዙ እንዳጨዱ ሰምተን ነበር ፣ ብዙ ዘርተን ጥቂት ማጨድ አቃተን ፤ የደከምንለት ትዳር ፈራረሰ ፣ ልጆች በጭንቀት እንድንሞት ድራማ ሠሩብን ፣ በመልካም ቃልና በክፉ ልብ ጓደኞች ቀረቡን ፤ ከአደባባይ ተበታትነን በጎሣ ዋሻ ተደበቅን ። ጌታ ሆይ ለምን እንዲህ ሆነብን !? ብዙ የወደዱህ ላንተ ፍቅራቸውን ቀነሱ ፣ በሕይወት ጀምረው በኑሮ ጨረሱ ፣ ፍርድ ዘገየ ብለው ከቤትህ ፈለሱ ፤ የትላንት ቁመታቸው በዛሬ ውድቀታቸው ተለካ ። ያነሡት ሰው ጣላቸው ፣ የመሰከሩለት ከሰሳቸው ። ጌታ ሆይ ለምን እንዲህ ሆነ !?

ትልቅ ጠልተን ፣ ሊቅ አሳድደን ፣ መንፈሳውያንን ተጸይፈን ፣ የዋሉልንን ረግጠን ፣ ያሳደግናቸውን ልጆች በልተን ይህ ሁሉ ሆነብን ። በስብሰባ የዘራነውን ክፋት ፣ በስብሰባ መንቀል አቃተን ። የገፋነው ገፊ ሁኖ ሲመጣ ያስተማርነውን መቀበል ተሳነን ። ጌታ ሆይ ይህ ሁሉ ለምን እንደሆነብን አንተ ታውቃለህ ። ወልድ ሆይ በእውቀትህ ይቅር በለን ። አሜን !

ዲያቆን አሸናፊ መኰንን

ተጻፈ ሐምሌ 6 ቀን 2015 ዓ.ም

አስተያየት ይስጡ

Leave a Reply

Your email address will not be published. Required fields are marked *

ያግኙን

ዲያቆን አሸናፊ መኰንን
ስልክ ፡ +251930006086                             +251911699907

ኢሜል፡ ashumekon@gmail.com

የገጹ ዓላማ

የዚህ ገጽ ዓላማ ኦርቶዶክሳዊ ትምህርቶችን ማስተላለፍ፣ ትውልድን በእግዚአብሔር ቃል ማነጽና የተሻለ ዘመንን መናፈቅ ነው።

አሸናፊ መኮንን
Ashenafi Mekonnen
የኢትዮጵያ ንግድ ባንክ
Commercial Bank of Ethiopia
1000165078482

አቢሲኒያ ባንክ
Bank of Abyssinia
23202573

ሕብረት ባንክ
Hibret Bank
1030416569497017

ወጋገን ባንክ
Wegagen Bank
0870286030101

አዋሽ ባንክ
Awash Bank
01320034656200

በማህበራዊ ሚዲያ ይወዳጁን።

copyright @ 2021 ዲያቆን አሸናፊ መኰንን

የዚህ ገጽ ዓላማ ኦርቶዶክሳዊ ትምህርቶችን ማስተላለፍ፣ ትውልድን 
በእግዚአብሔር ቃል ማነጽና የተሻለ ዘመንን መናፈቅ ነው።