እንኳን ከዘመነ ማርቆስ 2010 ዓ.ም. ወደ ዘመነ ሉቃስ 2011 ዓ.ም. በሰላምና በጤና አሸጋገራችሁ !!
በእግዚአብሔር ዘንድ ክብር ያለውን ሰው ጸጋዎች ከዘረዘረ በኋላ አንድ ሰው በቅዱሱ ድንኳን ለመኖር ምን ዓይነት ሰው መሆን እንዳለበት ይናገራል ። ይህም ነቀፋ የሌለበት ፣ ጽድቅን የሚሠራ ፣ ከክፋት የራቀ ይልና ይህን ይጨምራል፡- “በአንደበቱ የማይሸነግል ፥ በባልንጀራው ላይ ክፋትን የማያደርግ ፥ ዘመዶቹንም የማይሰድብ ።” (መዝ 14 (15)፥3) በመቀጠልም “ኃጢአተኛ በፊቱ የተናቀ ፥ እግዚአብሔርንም የሚፈሩትን የሚያከብር ፥ ለባልንጀራው የሚምል የማይከዳም ።” (መዝ 15 (16)፥3) ይላል ። ይህ ማለትም ክፋትን መናቅ ፣ መልካም የሆነውንም ማመስገን ከፍጽምና ተግባራት አንዱ መሆኑን ሲያመላክት ነው ። በሌላም ቦታ እንደገና ይህን ነገር ግልጽ ያደርጋል ።
እግዚአብሔር ያከበረውን አትንቀፉ ። ምንም እንኳ ድሀ ቢሆንም እግዚአብሔር በጽድቅ የሚኖረውን ያከብራል ። እርሱ ምንም ባለ ጸጋ ቢሆኑም ክፋት ውስጥ በሚኖሩት ላይ ፊቱን ያዞራልና እግዚአብሔር የተወውን አታክብሩ ። ነገር ግን የምታመሰግኑ ቢሆን ወይም የምትገስጹ ሁሉንም እግዚአብሔር በፈቀደበት መንገድ አድርጉ ።
ለእግዚአብሔር ክብር መክሰስ ይቻላል ። ይህ እንዴት ይሆናል ? በተደጋጋሚ በሠራተኞቻችን እንበሳጫለን ። ይህ ከሆነ ታዲያ እንዴት ነው ስለ እግዚአብሔር ብሎ መክሰስ የሚኖረው ? አንድ ሰው ሰክሮ አሊያም ሲሰርቅ ካያችሁ ይህም ሰው ሠራተኛ ይሁን ወዳጅ አሊያም ከሚቀርቧችሁ ሰዎች አንዳቸው ወደ ትያትር እየሄዱ አሊያም ለነፍሳቸው አንዳች ሳይጨነቁ ወይም እየማሉ አሊያም በሐሰት እየማሉ ፣ እየዋሹ (ካያችሁ) ተቆጡ ፣ ቅጧቸው ፣ መልሷቸው ፣ አርሟቸውም ይህ ለእግዚአብሔር ክብር የተደረገ ይሆናል ። አንድ ሰው እናንተ ላይ ኃጢአት ሲያደርግና ሲበድላችሁ ብትመለከቱ ፣ (ወይም ደግሞ) ሊያደርጉላችሁ የሚገባውንም ነገር ሳያደርጉ ብታዩ ይቅር በሏቸው ። ይህን ካደረጋችሁ ለእግዚአብሔር ብላችሁ ይቅር አላችሁ ማለት ነው ። ነገር ግን አሁን ብዙዎች ወዳጆቻቸው ላይ አሊያም ሠራተኞቻቸው ላይ የሚያደርጉት ከዚህ በተቃራኒ ነው ። ሲበድሏቸው መራራና ይቅር የማይል ዳኛ ይሆኑባቸዋል ። ነገር ግን እግዚአብሔርን ሲሳደቡ ነፍሳቸውንም ሲያጠፉ አንዳች አይሏቸውም ።
አሁንም ወዳጅ ማበጀት የግድ አስፈላጊ ነውን ? ስለ እግዚአብሔር ብላችሁ (ወዳጅ) አድርጓቸው ። ጠላት ማበጀት የግድ አስፈላጊ ነውን ? ስለ እግዚአብሔር ብላችሁ ጠላት አድርጓቸው ። አንድ ሰው (ሌሎችን) ወዳጅ አሊያም ጠላት የሚያደርገው እንዴት ነው ? ይህ የሚሆነው ሰዎች ወዳጅ የምናደርገው ገንዘብ ስላላቸው ፣ ማዕድ ስለሚያካፍሉን ፣ ሰዋዊ ድጋፍ ስላደረጉልን ሳይሆን ወዳጅ ማድረግ ያለብን ሁልጊዜ ነፍሳችንን ሥርዓት የሚያሲይዙ ፣ አስፈላጊ ነገሮችን የሚያማክሩ ፣ ኃጢአተኞችን የሚገሥጹ ፣ ተላላፊዎችን በግልጥ የሚመክሩ ፣ የወደቁትን የሚያረጋጉ ፣ ወደ እግዚአብሔርም ለመምራት በጸሎትና በምክር የሚያግዙትን ነው ። እንደገና ስለ እግዚአብሔር ብሎ ጠላትን ማፍራት ይቻላል ። አንድ ሥርዓት የሌለው ፣ ፀያፍ ነገር የሚያደርግ ፣ በክፋት የተሞላ ፣ ስህተት በሆኑ ትምህርቶች የተዘፈቀ ሰው ከተመለከታችሁ ክርስቶስ “ቀኝ ዓይንህም ብታሰናክልህ አውጥተህ ከአንተ ጣላት” (ማቴ 5፥29) ብሎ እንዳዘዘው ከዚህ ሰው ተለዩ ራቁትም ። በዓይን ልክ የሚወደዱ ጓደኞቻችንንና በቀን ተቀን ሕይወታችን አስፈላጊ የሆኑትን ነገሮች እንኳ ከነፍስ ድኅነት አንጻር የሚጎዱ ከሆኑ
መቁረጥና መጣል እንዳለብን ሲነግረን ነው ።
መቁረጥና መጣል እንዳለብን ሲነግረን ነው ።
በስብሰባቸው ከተገኛችሁ ንግግራችሁንም ካስረዘማችሁ ይህንንም ቢሆን ለእግዚአብሔር ብላችሁ አድርጉ ። ዝም ካላችሁም ለእግዚአብሔር ብላችሁ ዝም በሉ ። ስለ እግዚአብሔር ብሎ በስብሰባ መሳተፍ ምን ማለት ነው? ከአንድ ሰው ጋር ከተቀመጥህ ስለ ጊዜአዊ ጉዳዮች ፣ ከንቱ ስለሆኑ ካንተ ጋርም አንዳች የሚያገናኝ ነገር ስለሌላቸው ነገሮች አትነጋገር ። ነገር ግን ስለ ክርስትና አስተምህሮአችን ፣ ስለ ሲዖል ፣ ስለ መንግሥተ ሰማያት ተናገር እንጂ “ሥልጣን ማን ያዘ?” “ስልጣን ማን አጣ?” “እገሌ በምን ምክንያት ነው ገንዘቡን የከሰረው?” “እገሌትርፍ አግኝቶ ባለ ጸጋ የሆነው መቼ ነው?” “እገሌ ከአልጋ ወራሾቹ እንዴት አንዱ አልሆነም?” እና የመሳሰሉ ብዙ ስለሚያሳፍሩና ስለማይጠቅሙ ነገሮች አይሁን ። እንዲህ ስላሉ ነገሮች አንወያይ ።አሊያም ሌሎች ሲወያዩ አንታገሣቸው ። ነገር ግን ምን ዓይነት ንግግር ወይም እንዴት ያለ ተግባር እግዚአብሔርን ደስ እንደሚያሰኝ እናስብ። ተበድላችሁ ፣ ተንገላትታችሁ ፣ ተሰድባችሁ ፣ ተጎሳቁላችሁ ፣ ብዙ ክፉ በሆኑ ነገሮች ተሰቃይታችሁ በእርጋታ ከተቋቋማችሁት ይህን ያደረሰባችሁ ሰው ላይም አንዳች የስድብ ቃልን ካልተናገራችሁ ስለ እግዚአብሔር ብላችሁ ዝም ብላችኋል ማለት ነው ። ማመስገንና መገሠጽ ብቻ ፣ አሊያም ቤት መቀመጥና መውጣት ወይም ደግሞ ቃል
ን መናገርና ዝም ማለት ሳይሆን ማልቀስና ማዘን መደሰትና ሐሤት ማድረግም ለእግዚአብሔር ክብር መሆን አለበት ።
ን መናገርና ዝም ማለት ሳይሆን ማልቀስና ማዘን መደሰትና ሐሤት ማድረግም ለእግዚአብሔር ክብር መሆን አለበት ።
ወንድማችሁ ኃጢአት ሲያደርግ ስትመለከቱ አሊያም እናንተ ራሳችሁ በኃጢአት ብትወድቁ ማቃሰትና ማልቀስ ይገባችኋል ። ጳውሎስ እንዳለው “እንደ እግዚአብሔር ፈቃድ የሆነ ኀዘን ጸጸት የሌለበትን ፥ ወደ መዳንም የሚያደርሰውን ንስሐ ያደርጋልና ፤ የዓለም ኀዘን ግን ሞትን ያመጣል።” (2ኛ ቆሮ 7፥10) በኀዘናችሁም የማያጸጽት ድኅነትን ታገኛላችሁ ። ሌላ ሰው ታላቅ የሆነ ክብርን ሲያገኝ ከተመለከታችሁ አታንኳሱት ።ነገር ግን ለእናንተ እንደሆነ መልካም ነገር በመቊጠር ወንድማችሁን ዝነኛ/ገናና ያደረገውን እግዚአብሔርን አመስግኑ ። ከዚህም ደስታ ታላቅ ሽልማትን ትቀበላላችሁ ።
እስኪ ንገሩኝ ከቅናት በላይ ምን የሚያሳዝን ነገር አለ ? በደስታ ሐሤት ማድረግና ጥቅም ማግኘት የተፈቀደ ሆኖ ሳለ ሌላው ሰው የሚያገኘው ጥቅም ላይ ይናደዳሉ ። በንዴታቸውም ከእግዚአብሔር ቅጣትን ለራሳቸው ያመጣሉ፤ መራራ የሆነ ቅጣት ። ስለ እግዚአብሔር ብለን ካደረግናቸው ትንሽ ከሚባለው ነገር ትልቅ ጥቅም የሚገኝ ከሆነ ስለ ምስጋና እና ወቀሳ ፣ ስለ ስቃይና ደስታ ማውራቱ ምን ጥቅም አለው ?
“እንግዲህ የምትበሉ ወይም የምትጠጡ ብትሆኑ ወይም ማናቸውን ነገር ብታደርጉ ሁሉን ለእግዚአብሔር ክብር አድርጉት ።” (1ኛ ቆሮ 10፥33)። ከጸለይንና ከጾምን ፣ ከከሰስንና ይቅር ካልን ፣ ካመሰገንንና ከገሠጽን ፣ ከገባንና ከወጣን ፣ ከሸጥንና ከገዛን ፣ ዝም ካልንና ከተናገርን ከዚህም የተለየ ምንም ዓይነት ነገር ብናደርግ ሁሉንም ለእግዚአብሔር ክብር እናድርግ ። ምንም ዓይነት ነገር ለእግዚአብሔር ክብር የማይደረግ ከሆነ በእኛ ዘንድ አይደረግ ፤ አሊያም አይነገር። ነገር ግን ትልቅ የሆነ ጉዳይ ይዘን ቢሆን ፣ የጦር መሣሪያቢሆን ወታደርነት ፣ የማይነገር ሀብት አሊያም የትኛውም ቦታ ብንሆን ይህንን ቃል በመረዳታችን አትመን ተሸክመን እንዙር ። ስለዚህ ስንሠራ ሆነ ስንናገር ሁሉንም ነገር ለእግዚአብሔር ክብር እናደርጋለን። በዚህም በአሁኑ ዓለም ሳለን በሚመጣውም ሕይወት ከእርሱ የሆነውን ክብር እንቀበላለን። እንዲህ ይላልና፡- “ያከበሩኝን አከብራለሁና፥ የናቁኝም ይናቃሉና ” (1ኛ ሳሙ 2፥30) ። ስለዚህ በቃላት ብቻ ሳይሆን በተግባርም እርሱን (አብን) ዘወትር ከአምላካችን ከክርስቶስ ጋር እናመስግነው ። ምክንያቱም ሁሉም ምስጋና ለእርሱ ይገባዋልና ክብርና አምልኮ ዛሬም ዘወትርም ለዘለዓለም ዓለም አሜን ።
